குடும்ப வன்முறையில் பெண்கள் பாதிக்கப்பட்டால் உடனடியாக நடவடிக்கை:மாவட்ட ஆட்சியர் எம். மதிவாணன்

குடும்ப வன்முறையில் பெண்கள் பாதிக்கப்பட்டால் உடனடியாக நடவடிக்கை மேற்கொள்ளப்படும் என்றார் மாவட்ட ஆட்சியர் எம். மதிவாணன்.

திருவாரூரில் புதன்கிழமை நடைபெற்ற குடும்ப வன்முறையிலிருந்து பெண்களை பாதுகாக்கும் சட்டம் குறித்த விழிப்புணர்வு கருத்தரங்கில் அவர் பேசியது:

வரதட்சிணை தடுப்பு சட்டம், குழந்தை திருமண தடை சட்டம், பெற்றோர் மற்றும் மூத்த குடிமக்கள் பராமரிப்பு நல சட்டம் என பெண்களை பாதுகாக்க சட்டங்கள் இயற்றப்பட்டுள்ளது. வன்முறையில் பாதிக்கப்பட்ட பெண்கள் நீதிமன்றத்தை அணுகி 60 நாட்களுக்குள் நியாயம் பெற்று கொள்ள சட்டத்தில் வழிவகை செய்யப்பட்டுள்ளது. குடும்ப நிகழ்வு அறிக்கைகள் பாதுகாப்பு அலுவலாóகளால் பாதிக்கப்பட்ட பெண்கள் சார்பாக பதிவு செய்யப்பட்டு, பாதிக்கப்பட்டவர்கள் நீதிமன்றத்தை அணுக உரிய உதவிகள் செய்யப்படுகிறது.

பாதிக்கப்பட்ட பெண்களிடமிருந்து புகார் வந்தால், விரைந்து தீர்வு காண ஒவ்வொரு வருவாய்க் கோட்டத்திலும் கோட்டாட்சியரை தலைவராகக் கொண்ட உட்கோட்ட தீர்ப்பாயம் ஒன்று அமைக்கப்பட்டு கண்காணிக்கப்படுகிறது. அனைத்து குழந்தைகள் இல்லங்களையும் பதிவு செய்தல் கட்டாயமாக்கப்பட்டுள் ளது. இதன்மூலம் சட்டத்துக்கு புறம்பான செயல்கள் கட்டுப்படுத்தப்படுகின்றன என்றார் மதிவாணன்.