பெண்ணை தாக்கிய அண்ணன் உள்பட 2 பேர் கைது

திருவாரூர் மாவட்டம், முத்துப்பேட்டை காவல் சரகம், மேலவாடியக்காடு கிராமத்தைச் சேர்ந்த பூமிநாதன் மனைவி மலர்க்கொடி(50). இவர் தனது சகோதரர் ராஜமாணிக்கத்திடம் நிலம் வாங்கி இருந்தாராம். அதுதொடர்பாக இருவருக்கும் பிரச்னை இருந்து வந்துள்ளது.

இதைத் தொடர்ந்து, ராஜமாணிக்கம், அவரது மனைவி சாந்தி மற்றும் உறவினர் முருகேசன் ஆகியோர் மலர்க்கொடியைத் தாக்கினார்களாம். காயமடைந்த அவர் திருத்துறைப்பூண்டி அரசு மருத்துவமனையில் அனுமதிக்கப்பட்டார். புகாரின்பேரில், முத்துப்பேட்டை போலீஸார் வழக்குப் பதிந்து, ராஜமாணிக்கம், முருகேசன் ஆகிய இருவரையும் கைது செய்து விசாரிக்கின்றனர்.