பேருந்தில் வந்த பெண்ணை தாக்கிய நபர் கைது

திருத்துறைப்பூண்டி அருகே பேருந்தில் வந்த பெண்ணை தாக்கிய நபரை போலீஸார் கைது செய்தனர்.

திருத்துறைப்பூண்டி அருகே உள்ள தலைக்காடு கிராமத்தைச் சேர்நதவர் ஜெயசித்ரா.இவர் சனிக்கிழமை பாணி கிராமத்தில் பேருந்தில் ஏறி சொந்த ஊருக்கு வந்து கொண்டிருந்தார்.

அப்போது, அவரின் கைப்பையை பேருந்தில் வந்த தனியார் வங்கி ஊழியர் சேகல்மடப்புரத்தைச் சேர்ந்த வைரப்பன் மகள் சரண்யாவிடம் கொடுத்தாராம். அவர் பையை வாங்க மறுத்ததால் இருவருக்கும் வாய்த் தகராறு ஏற்பட்டுள்ளது.

இதை தனது தந்தை வைரப்பனிடம் செல்லிடப்பேசி மூலமாக சரண்யா தெரிவித்தார்.

பேருந்து, சேகல்மடப்புரம் கிராமத்தில் வந்தபோது, வைரப்பன் பேருந்தில் ஏறி ஜெயசித்ராவை தாக்கினாராம்.

இதுகுறித்து ஜெயசித்ரா அளித்த புகாரின்பேரில், திருத்துறைப்பூண்டி போலீஸார் வழக்குப் பதிந்து வைரப்பனை கைது செய்தனர்.