இடுகைகள்
சங்கேந்தி பவுண்டடி தெருவைச் சேர்ந்தவர் செ. செல்வபிரகாஷ் (30). இவர் ஞாயிற்றுக்கிழமை சங்கேந்தி ஆட்டோ நிறுத்தத்தில் நின்றுகொண்டிருந்த போது அந்த வழியாக இருசக்கர வாகனத்தில் வந்த குமாரபுரம் கிராமத்தைச் சேர்ந்த சம்பத், ராஜேஷ் ஆகியோரைப் பார்த்து கிண்டலாக ஏதோ கூறினாராம்.
இதைத்தொடர்ந்து, இருவரும் ஊரில் இருந்த தங்களது நண்பர்களிடம் செல்போனில் தகவல் தெரிவித்ததன் பேரில், த. ராஜேஷ், எஸ். சம்பத், பி. ஆனந்த், ஆர். சிதம்பரம், ப. கார்த்தி, கே. மணிமாறன், பிரதீஷ் உள்ளிட்டோர் வந்து ஆயுதங்களால் செல்வபிரகாஷை தாக்கியதில் அவர் பலத்த காயமடைந்து திருவாரூர் மருத்துவக் கல்லூரி மருத்துவமனையில் அனுமதிக்கப்பட்டுள்ளார்.
இதுகுறித்து எடையூர் போலீஸார் வழக்குப் பதிவு செய்து ராஜேஷ், கார்த்தி, பிரதீஷ், மணிமாறன் ஆகியோரை கைது செய்து விசாரித்து வருகின்றனர்.
0 கருத்துகள்:
கருத்துரையிடுக