இடுகைகள்
அரசு பஸ் டிரைவர்
திருவாரூர் மாவட்டம் திருத்துறைப்பூண்டி அருகே உள்ள குரும்பல் ரெயிலடி தெருவை சேர்ந்தவர் அன்பழகன் (வயது54). இவர் திருத்துறைப்பூண்டி அரசு போக்குவரத்து கழகத்தில் டிரைவராக வேலை பார்த்து வந்தார். இவருடைய மனைவி கஸ்தூரி(50). நேற்றுமுன்தினம் இவர்கள் மாங்குடியில் நடந்த உறவினரின் திருமணத்திற்கு சென்றுவிட்டு மோட்டார்சைக்கிளில் ஊருக்கு திரும்பி கொண்டிருந்தனர்.
மனைவி படுகாயம்
அப்போது கரும்பியூர் கொடிமரம் என்ற இடத்தில் பின்னால் வந்த கார், மோட்டார்சைக்கிள் மீது மோதியது. இதில் படுகாயம் அடைந்த அன்பழகன், கஸ்தூரி ஆகிய 2 பேரையும் அருகில் இருந்தவர்கள் மீட்டு திருத்துறைப்பூண்டி அரசு மருத்துவமனையில் சிகிச்சைக்காக அனுமதித்தனர். அங்கு சிகிச்சை பலனின்றி அன்பழகன் பரிதாபமாக இறந்தார். கஸ்தூரியை மேல்சிகிச்சைக்காக திருவாரூர் அரசு மருத்துவகல்லூரி மருத்துவமனையில் அனுமதித்தனர். அங்கு அவருக்கு சிகிச்சை அளிக்கப்பட்டு வருகிறது. இதுகுறித்த புகாரின் பேரில் ஆலிவலம் போலீஸ் சிறப்பு சப்–இன்ஸ்பெக்டர்கள் சரவணன், கண்ணன் ஆகியோர் வழக்குப்பதிவு செய்து காரை ஓட்டி வந்த விழுப்புரம் மாவட்டம் கள்ளக்குறிச்சியை சேர்ந்த அண்ணாத்துரை (36) என்பவரை கைது செய்தனர்.
0 கருத்துகள்:
கருத்துரையிடுக