திருத்துறைப்பூண்டியில் உள்ள கடைகளில் காலாவதி பொருட்களை அதிகாரிகள் பறிமுதல் செய்தனர்

திருத்துறைப்பூண்டி, :  திருத்துறைப்பூண்டியில் உள்ள கடைகளில் காலாவதி பொருட்களை அதிகாரிகள் பறிமுதல் செய்தனர். திருத்துறைப்பூண்டி நகர பகுதியில் உள்ள மளிகை கடைகள், ஓட்டல்கள், பேக்கரிகள், உணவு விடுதிகள், பழக்கடைகள் போன்றவற்றில் காலாவதியான உணவுப்பொருட்கள் உள்ளதா என்று மாவட்ட வருவாய் அலுவலர் மோகன்ராஜ் தலைமையில் உணவு பாதுகாப்பு அலுவலர்கள் விஜயகுமார், அன்பழகன் ஆகியோர் சோதனை செய்தனர்.

பேருந்துநிலையம் மற்றும் பள்ளி அருகில் உள்ள கடைகளில் தடை செய்யப்பட்ட போதை பொருட்கள் மற்றும் கடைகளில் இருந்த காலாவதியான உணவு பொருட்களை பறிமுதல் செய்தனர்.  இந்த சோதனையில் தாசில்தார் (பொ) அன்பழகன், துணை தாசில்தார்கள் செந்தில்குமார், காரல்மார்க்ஸ், சிவக்குமார், வசுமதி, வருவாய் ஆய்வாளர்கள் சிவதாஸ், முருகேசன், ஜோதிபாசு, பாரதி மற்றும் கிராம நிர்வாக அலுவலர்கள் ஈடுபட்டனர்.