திருத்துறைப்பூண்டி ஒருங்கிணைந்த நீதிமன்ற வளாகத்தில் ஆய்வு

திருத்துறைப்பூண்டியில் கட்டப்பட்டு வரும் ஒருங்கிணைந்த நீதிமன்ற வளாகத்தில் மாவட்ட உரிமையியல் நீதிபதி சனிக்கிழமை ஆய்வு மேற்கொண்டார்.

திருத்துறைப்பூண்டி நீதிமன்ற சாலையில் ரூ. 3.42 கோடியில் மாவட்ட உரிமையியல் நீதிமன்றம், குற்றவியல் நடுவர் நீதிமன்றம், விரைவு நீதிமன்றம் ஆகிய ஒருங்கிணைந்த நீதிமன்றம் கட்டப்பட்டு வருகிறது. இக்கட்டுமானப் பணிகளை சனிக்கிழமை மாவட்ட உரிமையியல் நீதிபதி எம். மகாலட்சுமி ஆய்வு மேற்கொண்டார்.

அப்போது கட்டடத்தில் கலவை மண்ணுக்குப் பதிலாக களிமண் பயன்படுத்தப்பட்டதை கண்டறிந்து, களிமண்ணை அகற்றிவிட்டு கலவை மண் போடவேண்டுமென்று உத்தரவிட்டார்.

ஆய்வின்போது, வழக்குரைஞர் சங்கத் தலைவர் ஜே. சிவசுப்பிரமணியன், செயலர் செந்தில்குமார் உள்ளிட்டோர் உடனிருந்தனர்.