எண் பலகை இல்லாமல் நின்ற டிராக்டர் கடத்தலுக்கு பயன்படுத்தப்பட்டதா? போலீஸ் விசாரணை

திருத்துறைப்பூண்டி இன்ஸ்பெக்டர் ஆனந்தவேலு, சப்–இன்ஸ்பெக்டர்கள் வீரபரஞ்ஜோதி, ராஜ், கல்யாணம் மற்றும் போலீசார் நேற்றுமுன்தினம் இரவு ரோந்து பணியில் ஈடுபட்டிருந்தனர். அப்போது திருத்துறைப்பூண்டியை அடுத்த எழிலூர் சுடுகாடு பகுதியில் ஒரு டிராக்டர் எண் பலகை இல்லாமல் அனாதையாக நின்றது. இதையடுத்து அந்த டிராக்டரை கைப்பற்றி போலீஸ் நிலையத்திற்கு போலீசார் எடுத்து சென்றனர். இதுதொடர்பாக போலீசார் வழக்குப்பதிவு செய்து டிராக்டரை கடத்தலுக்கு பயன்படுத்தினார்களா? யாருடைய டிராக்டர்? என்பது பற்றி விசாரணை நடத்தி வருகிறார்கள்.