தமாகா பிரமுகருக்கு அரிவாள் வெட்டு

திருவாரூர் மாவட்டம், முத்துப்பேட்டை அருகே வியாழக்கிழமை இரவு தமாகா பிரமுகர் அரிவாளால் வெட்டப்பட்டார்.

முத்துப்பேட்டையை அடுத்த தில்லைவிளாகம் பகுதியைச் சேர்ந்தவர் பாலசுந்தரம் (40). தமாகா பிரமுகர். இவரது மனைவி புனிதா முத்துப்பேட்டை ஒன்றியக் குழு உறுப்பினராக உள்ளார். இந்நிலையில், வியாழக்கிழமை இரவு இவரது வீட்டுக்கு வந்த நான்கு பேர் கொண்ட மர்ம கும்பல் அரிவாளால் பாலசுந்தரத்தைத் தாக்கினர்.பலத்த காயமடைந்த அவர் திருவாரூர் மருத்துவக் கல்லூரி மருத்துவமனையில் அனுமதிக்கப்பட்டார். முத்துப்பேட்டை போலீஸார் வழக்குப் பதிந்து, மர்ம நபர்களை தேடி வருகின்றனர்.இடப் பிரச்னை காரணமாக பாலசுந்தரம் மீது தாக்குதல் நடத்தப்பட்டதாகக் கூறப்படுகிறது.