பேருந்து ஓட்டுநரை தாக்கிய இளைஞர் கைது

மன்னார்குடி அருகே அரசுப் பேருந்து ஓட்டுநரை தாக்கிய இளைஞரை போலீஸார் கைது செய்தனர்.
மன்னார்குடியிலிருந்து திருத்துறைப்பூண்டிக்கு கடந்த டிச. 29 ஆம் தேதி அரசுப் பேருந்து சென்றுகொண்டிருந்தது. இதில் கோட்டூரை அடுத்த கம்மங்குடி ஆர்ச்சை சேர்ந்த ராஜேந்திரன் மகன் பிரகாஷ் (22) படிக்கட்டில் நின்றபடி பயணம் செய்தாராம்.
இதை அப்பேருந்தின் ஓட்டுநர், திருத்துறைப்பூண்டியை அடுத்த கீரக்களூரைச் சேர்ந்த கிருஷ்ணமூர்த்தி (38) கண்டித்தாராம். இதனால் ஆத்திரமடைந்த பிரகாஷ், கிருஷ்ணமூர்த்தியை தாக்கினாராம். இதுகுறித்து கோட்டூர் போலீஸார் வழக்குப் பதிந்து பிரகாஷை ஞாயிற்றுக்கிழமை கைது செய்தனர்.